iluko.com - website a magustoan a pagpalpallailangan dagiti pada a nangisit ti sikona.

Balitok nga aldaw

 

Skip Navigation LinksHome > Blogs >



Dagidi aldaw a di agkupas_three
11/11/2005 10:46:28 PM

Malem ti Mierkules, maudin a lawas ti Bulan iti Marso.

Ala una ti malem, Kasla Fiesta ti Laoag ti karingurmi iti uneg ti Kuartomi a Grade 2A. Agsang-sangit ni Cora* ta sinelselan ni Ben ti mara-uttot (umad-adas iti bulong ti parda, ngem nabangsit!) ti basar ti tugawna, babbai kada lallaki agraragupdan a mangipukpukaw ti "immutot ni Cora.*" Awan ti maestrami ta agsakit kano, ket ti mestrami idi grade 1 kami ti umay mangan-anawa kadakami, nakapaminduan nga immay. Naunget a maestra! kakaasi kami laeng a mangilemlemeng ti bislak a pagbautna idi. Diak maun-unin ta mabutengak nga mabaut, dakami ken Larry ti nangitugot kadayta nga bulong.

Iti dalan, itay agsublikami ditoy iskuela kalpasan ti panangaldawmi. Agsakit ti bakrang ni Larry, ket kunak kenkuana itay a mangala ti uray ania a bulong ta yap-apna iti batug ti nasakit.
"Nabangsit met, sika." kunana sana inpaangut kaniak, agpayso madi ti angutna.
"mangalaak ti sabali, ken mangalaak pay iti adu kadaytoy" kunana.

Itay makadanun kamin ditoy kuartomi, (awan pay itay dagiti padami nga ubbing ta mayat ti ay-ayam da iti playground mi.) Rinugianan ti naggelgel ti bulong, napasurutna metten ni Ben a nasapa a simrek, rimuarak ta diak kaya ti angutna!
Sumreken dagiti kaklasemi, ap-aputendan ti agungda, awanen ti aridenggan.

Addaytan ti maestra, adda pagbautna. Umis-isem, "Nakita kayo itay, ania ti inaramidyo ditoy?" Dakami a tallo ti pagsalsalud-sudanna, Adda kami ti asideg ti ridaw. Nakitana kami gayam! "Umay kayo ditoy a tallo" makaungeten! Nagpipinabasul kami pay, ngem talaga a dakamin ti mabaut.

Immuna a nabaut ni Ben, simaruno, ni Larry, sa siak ti sumaruno. sagli-lima ti baut!
Agbabawiakon, inanawak koma daytoy gayyem ko itay mangala ti bulong.
agpadada nga agsasainneken, ken uray siak agtigtigergerak metten! siak itan ti sumaruno! umona pay laeng a baut ket nakaisbuakon, kada agdisso ti bislak ti patungko ket makaternekak!
Agsa-sainekak pay laeng, Nakatal-talna kamin kadayta a nagmalem.

Immay timman-aw ni Joyce** ti kuartomi, permi ti babainko ta madlaw pay laeng a nabasa ti sapinko. Maas-asian met kaniak, nadamagna kano kadagiti kaklasemi a napan immisbu ti bath room nga asideg ti kuartoda a Grade 2B. Nagkapareha kami ti sala idi Christmas Program mi, manipud idin iluk-lukoda metten nga girlfriend ko isuna.

Naistrikto ni Nanang iti uneg ti pagtaenganmi. Ket ipagarupko no makaruarakon ti pagtaenganmi ket nawayaak nga agaramid ti saan a nasayaat!

* Natay idi 13 ti tawenna.
** Natay idi 14 ti tawenna.


Comments


Monica Smith
11/11/2005 11:28:47 PM

Ala nagluko ka gayam.


Johnnyric Domingo
11/11/2005 11:40:59 PM

Siriringka pay met aya? naglaingkan gayyem, kasano ti agaramid ti danniw?
apay nagrigat da met nga umay iti panunut?


Monica Smith
11/11/2005 11:45:37 PM

Kalkalpas ko nga nagbuya ti Electra, isublat ko man datoy 'Forgotten'


Johnnyric Domingo
11/11/2005 11:59:14 PM

Sexy, uray aggegedan ti aramidem mabalin aya!


Monica Smith
11/12/2005 12:05:48 AM

Multitasking!!!


Johnnyric Domingo
11/12/2005 12:13:18 AM

Yes! "one word!" isu ti pagkapsutak ti atidog unay nga panangilawlawag. agyamanak unay, ta adu ti masursurok kenka.


Monica Smith
11/12/2005 12:17:02 AM

Uray sika ket maaramid mo, search the net and watch a movie at the same time.


Johnnyric Domingo
11/12/2005 12:18:49 AM

Sexy, madi agpangkisak nokua!!!


Monica Smith
11/12/2005 12:26:18 AM

Nia metten, gumatang ka ti laptop mo ikabil mo dita luppon, saka agbuya ti Tv mayaten.


Johnnyric Domingo
11/12/2005 12:29:18 AM

Ne, apayen! ti luppok ket pagtugawan laeng ti balasang!


Monica Smith
11/12/2005 12:37:49 AM

Ni naggasat daytan nga balasang!


Johnnyric Domingo
11/12/2005 12:46:26 AM

Ket wen, ah! alangan met nga bakla ti agtugaw toy luppok.


Monica Smith
11/12/2005 12:54:12 AM

Inka ketdin maturogen ta dina kan to ketdi pang-oren ni baket mo.


Johnnyric Domingo
11/12/2005 12:57:37 AM

Hmm! mangrugika manen, Inta ngaruden, nabanugak sika, diak manganen, inak la agdigusen... then turog! tsup! & Bye!!!


Monica Smith
11/12/2005 1:00:31 AM

Good nite Manong Jric.


Johnnyric Domingo
11/12/2005 1:04:23 AM

Okay Sexy, see you....


Monica Smith
11/12/2005 1:06:58 AM

nite


Jing Doman
12/3/2005 3:46:14 PM

Manong Jric, mayat daytoy estoryam! naimbag ta saan nga immay idi dinapadap ni Joycelyn dayta sapin mo hihihi!!!


Jing Doman
12/4/2005 3:47:32 PM

Ni, Mabutengdansa ket nga mabaut isu nga didakayat ti rumuar!



Agposte

Ag-Loginka pay nga umuna Kailian sakbay nga agposteka.